ᑐᓴᐅᒪᔾᔪᑏᑦ: ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑎᒃᑯᑦ ᓴᖅᑭᑦᑎᕗᑦ ᓄᑖᒥᒃ ᖃᕋᓴᐅᔭᒃᑯᑦ−ᐱᔨᑦᑎᕋᐅᑎᓂᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐊᒃᑐᐊᖃᑦᑕᐅᑎᓂᖏᓂᒃ

ᐅᑐᐱᕆ 10 / 2017

ᑐᓴᐅᒪᔾᔪᑏᑦ: ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑎᒃᑯᑦ ᓴᖅᑭᑦᑎᕗᑦ ᓄᑖᒥᒃ ᖃᕋᓴᐅᔭᒃᑯᑦ−ᐱᔨᑦᑎᕋᐅᑎᓂᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐊᒃᑐᐊᖃᑦᑕᐅᑎᓂᖏᓂᒃ

ᔭᓗᓇᐃᕝ, ᓄᓇᑦᑎᐊᖅ (ᐅᑐᐱᕆ 10, 2017) − ᐅᓪᓗᒥ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ (WSCC−ᒃᑯᑦ) ᓴᖅᑭᑦᑎᖕᒪᑕ ᒪᕐᕈᖕᓂ ᖃᕋᓴᐅᔭᒃᑯᑦ−ᐱᔨᑦᑎᕋᐅᑎᓂᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐊᒃᑐᐊᖃᑦᑕᐅᑎᓂᖏᓐᓂᒃ .

ᑮᓇᐅᔭᖁᑎᖃᕐᕕᖕᒥ ᐊᐅᓚᑦᑎᓂᖅ ᐱᕕᖃᖅᑎᑦᑎᕙᒃᐳᑦ ᓇᖕᒥᓂᖁᑎᖃᖅᑐᓂᒃ ᓄᑖᙳᕆᐊᖅᑎᑦᑎᓂᕐᒧᑦ ᐱᓕᕆᕝᕕᒋᔭᖏᑦᑕ ᑐᓴᐅᒪᔾᔪᑎᖏᓐᓂᒃ. ᐊᓯᔾᔨᕐᓗᒍ ᒪᓕᒐᑎᒍᑦ ᐅᕝᕙᓘᓐᓃᑦ ᐱᓕᕆᕝᕕᖕᓂ ᐊᑎᑦ, ᓄᑖᙳᕆᐊᖅᑎᓪᓗᒍ ᐊᑭᓕᐅᑎᒋᕙᑦᑕᕐᓄᑦ ᑐᕌᕈᑎᑦ ᐊᒻᒪ ᖃᐅᔨᒋᐊᕐᕕᐅᔪᓐᓇᕐᓂᕐᐱᑦ ᑐᓴᐅᒪᔾᔪᑎᑎᑦ, ᓂᕈᐊᕐᓗᑎᓪᓗ ᓂᕈᐊᕆᔭᕐᓂᒃ ᐅᖃᐅᓯᕐᒥᒃ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐱᓯᒪᖃᑦᑕᕐᓂᐊᕐᒪᑕ ᓄᑖᖑᓛᓂᒃ ᖃᐅᔨᒋᐊᕐᕕᒃᓴᓂᒃ ᐱᓕᕆᕝᕕᒋᔭᕐᓂᒃ.

ᐊᔪᙱᑎᑕᐅᕙᒌᖅᓯᒪᔪᑦ ᐊᑭᓕᐅᑎᑦ ᐱᕕᖃᖅᑎᑦᑎᕙᒃᐳᑦ ᐃᖅᑲᓇᐃᔭᕐᕕᒋᔭᐅᔪᓂᒃ ᐋᖅᑭᒃᓯᓂᕐᒧᑦ ᐊᑭᓕᐅᑕᐅᒃᑲᓐᓂᖅᑐᓂᒃ ᖃᕋᓴᐅᔭᒃᑯᑦ ᐊᑭᓕᒃᓴᑦ ᑮᓇᐅᔭᖁᑎᖃᕐᕕᖏᓐᓂᒃ, ᐃᑲᔪᕈᒪᓗᒋᑦ ᑭᖑᕙᓯᒃᑐᓂᒃ ᐊᑲᐅᙱᓕᐅᕈᑕᐅᓕᖅᐸᒃᑐᓂᒃ.

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐊᒃᑐᐊᖃᑦᑕᐅᑎᓂᖏᑦ ᓴᖅᑭᑕᐅᓚᐅᖅᑐᖅ ᐅᑐᐱᕆ 2015-ᒥ, ᐃᑲᔪᕈᒪᓗᒋᑦ ᐅᑭᐅᖅᑕᖅᑐᒥᐅᑦ ᓱᒃᑲᔪᓂᒃ, ᐊᑐᒐᒃᓴᓂᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑎᓄᑦ ᐱᔨᑦᑎᕋᖅᑎᓄᑦ. ᑖᒃᑯᐊ ᓄᑖᑦ ᖃᕋᓴᐅᔭᒃᑯᑦ−ᐱᔨᑦᑎᕋᐅᑎᑦ ᑲᑎᖃᑎᖃᖅᐳᑦ ᒫᓐᓇ ᐊᑐᖅᑕᐅᕙᒃᑐᓂᒃ: ᐊᑭᓖᓂᖅ, ᕿᒥᕐᕈᓂᖅ ᖃᐅᔨᓴᕈᑕᐅᔪᓂᒃ ᓇᓗᓇᐃᔭᐃᓂᕐᒧᑦ ᐊᑭᖏᓐᓂᒃ, ᐱᔪᒪᓗᓂ ᑕᐃᒫᖅᑕᐅᓂᕐᒥᒃ, ᐊᑎᓕᐅᖅᓯᓂᕐᒥᒃ ᓇᖕᒥᓂᖁᑎᒋᔭᐅᔪᓂᒃ, ᑐᓐᓂᖅᑯᑎᖃᕐᓂᕐᒥᒃ ᑮᓇᐅᔭᓕᕆᔨᒃᑯᓐᓄᑦ, ᐅᔭᕋᖕᓂᐊᖅᑐᓕᕆᓂᕐᒧᑦ ᐱᔪᓐᓇᐅᑎᑖᕋᓱᖕᓂᕐᒥᒃ, ᐊᒻᒪ ᑐᓐᓂᖅᑯᑎᖃᕐᓂᕐᒥᒃ ᐊᑦᑕᕐᓇᖅᑐᑦ ᐃᖅᑲᓇᐃᔭᕐᓃᑦ.

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐊᒃᑐᐊᖃᑦᑕᐅᑎᓂᖏᑦ  ᐊᑐᐃᓐᓇᐅᕗᑦ ᑕᒪᐃᓐᓂᒃ ᖃᓪᓗᓈᑐᑦ ᐊᒻᒪ ᐅᐃᕖᑐᑦ.

ᐊᑐᕈᓐᓇᕈᒪᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐊᒃᑐᐊᓂᕆᔭᖏᓐᓂᒃ, ᐅᐸᒡᓗᒍ  wscc.nt.ca ᐅᕝᕙᓘᓐᓃᑦ wscc.nu.ca ᓇᕿᓪᓗᒍᓗ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐊᑦᑐᐊᓂᕆᔭᖏᑦᑕ ᓇᕿᑦᑕᐅᑎᖓ ᒪᒃᐱᖅᑐᒐᐅᑉ ᖁᓛᓂ.

-30-

ᔮᑭᓖᓐ ᒨ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᒐᒃᓴᓕᕆᔨᒃᑯᑦ
ᐅᖄᓚᐅᑖ: (867) 920-3829
ᐊᑭᖃᙱᑦᑐᒃᑯᑦ: (800) 661-0792 ᓇᕿᒃᑲᓐᓂᕐᓗᒍ 3829