ᐱᕙᓪᓕᐊᔪᖅ ᓴᖅᑭᑕᖅ: ᐹᓪ ᑯᕋᓐ ᐸᓯᔭᒃᓴᙳᖅᑎᑕᐅᔪᖅ ᐱᕋᔭᖕᓂᕐᒧᑦ ᑕᐃᑰᓇ ᓄᓇᑦᓯᐊᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᖅ

ᐅᑐᐱᕆ 16 / 2017

ᐱᕙᓪᓕᐊᔪᖅ ᓴᖅᑭᑕᖅ: ᐹᓪ ᑯᕋᓐ ᐸᓯᔭᒃᓴᙳᖅᑎᑕᐅᔪᖅ ᐱᕋᔭᖕᓂᕐᒧᑦ ᑕᐃᑰᓇ ᓄᓇᑦᓯᐊᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᖅ

ᔭᓗᓇᐃᕝ, ᓄᓇᑦᓯᐊᖅ (ᐅᑐᐱᕆ 16, 2017) – ᐅᑐᐱᕆ 11, 2017, ᐹᓪ ᑯᕋᓐ ᓴᖅᑎᖦᖢᓂ ᓄᓇᑦᓯᐊᒥ ᐃᖅᑲᖅᑐᐃᕕᖕᒧᑦ ᔭᓗᓇᐃᕝᒥ ᑎᒍᔭᒃᓴᐅᓂᐊᕐᓗᓂ ᐸᓯᔭᐅᓂᕐᒧᑦ ᑕᐃᑰᓇ ᓄᓇᑦᓯᐊᖅ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᒥ.

ᐊᖑᑦ ᑯᕋᓐ ᐸᓯᔭᒃᓴᐅᓂᕋᓵᓚᐅᖅᑐᖅ ᓱᕋᒃᓯᓂᕐᒥ ᐱᖁᔭᕐᒥ ᐊᕕᒃᓯᒪᓂᖅ 119(1)(a) ᐃᖅᑲᓇᐃᔮᒧᑦ ᐋᓐᓂᐊᖃᕐᓇᙱᑦᑐᓕᕆᓂᖅ ᐊᑦᑕᕐᓇᖅᑕᐃᓕᒪᓂᕐᓗ (OHS) ᐊᑐᐊᒐᖏᑦ ᐊᑐᙱᓐᓂᕐᒧᑦ ᐱᑎᓪᓗᒋᑦ ᐃᖅᑲᓇᐃᔭᖅᑎᓕᒫᑦ ᐃᖅᑲᓇᐃᔭᕐᕕᖓᓂ ᐊᑐᖅᖢᑎᒃ ᑲᑕᖕᓂᕐᒧᑦ ᓴᐳᒻᒥᔾᔪᑎᒥᒃ ᐊᑐᖃᑦᑕᖅᑐᓂ ᐃᖅᑲᓇᐃᔭᕐᑐᓄᑦ ᖁᑦᑎᖕᓂᓕᖕᓂ 3 ᒦᑕᑦ ᐅᖓᑖᓄᓪᓘᓐᓃᑦ. ᐸᓯᔭᐅᓚᐅᖅᑐᖅ ᑖᔅᓱᒧᖓ ᐱᕋᔭᖕᓂᕐᒧᑦ ᐅᑐᐱᕆ 11, 2017 ᐊᓯᓕᒫᖏᓪᓗ ᐸᓯᔭᒃᓴᓕᐅᕈᑎᑦ ᐱᔾᔪᑎᒧᑦ ᖁᔭᓈᖅᑕᐅᓪᓗᑎᒃ.

ᐸᓯᔭᒃᓴᓕᐊᑦ ᐱᒋᐊᕐᖢᑎᒃ ᐊᑐᓚᐅᖅᑐᒥ ᔪᓚᐃ 16, 2016, ᐊᖑᑦ ᑯᕋᓐ ᒪᕐᕉᒃᓗ ᐊᓯᖏᒃ ᐃᖅᑲᓇᐃᔭᕐᖢᑎᒃ ᐃᒡᖢᑉ ᖁᓕᖓᓂ ᐊᖏᕐᕋᖓᓂ ᐊᖑᑦ ᑯᕋᓐ ᐃᒡᓗᓕᐊᕆᔭᖓᓂ ᐃᖕᒥᓄᑦ ᖃᑕᙳᑎᖏᓐᓄᓪᓗ. ᐊᖑᑦ ᑯᕋᓐ ᑳᓐᑐᐊᒃᓯᒐᓗᐊᕐᖢᓂ ᑎᒥᐅᔪᒥᒃ ᐱᑎᑦᑎᓗᑎᒃ ᐃᒡᓗᓕᐅᕐᓂᕐᒧᑦ ᐱᔨᑦᑎᕋᐅᑎᓂᑦ ᐱᓕᕆᐊᖃᓚᐅᕐᒥᔪᖅ ᐃᖅᑲᓇᐃᔭᕐᓂᕐᒥᒃ ᓇᖕᒥᓂᖅ ᐃᑲᔪᖅᑕᐅᓪᓗᓂ ᓄᓕᐊᖓᓄᑦ ᐱᖃᓐᓇᕆᔭᖓᓄᓪᓗ. ᐊᖑᑦ ᑯᕋᓐ ᐱᓕᕆᓚᐅᖅᑐᖅ ᐃᖅᑲᓇᐃᔭᖅᑎᑦᑎᔨᐅᓪᓗᓂ ᓇᓗᓇᐃᖅᓯᒪᔪᖅ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᒥ ᐱᔭᕆᐊᖃᖅᑎᑕᐅᓪᓗᓂᓗ ᒪᓕᑦᑎᐊᕐᓗᓂ ᐱᖁᔭᕐᒥ ᐊᑐᐊᒐᖏᓐᓂᒃᓗ.

ᐊᖑᑦ ᑯᕋᓐ ᐸᓯᔭᐅᓪᓗᓂ ᐊᑭᓖᔭᕆᐊᖃᕐᖢᓂ $1,000.

ᐱᓪᓚᕿᐅᔪᖅ ᖃᐅᔨᒪᓗᓂ ᓇᖕᒥᓂᖅ ᐃᒡᓗᓕᒃ ᐱᖃᓐᓇᕆᔭᖃᖅᑐᖅ, ᖃᑕᙳᑎᖃᖅᑐᖅ, ᐊᓯᖏᓐᓂᒃᓗ ᐃᖅᑲᓇᐃᔭᖅᑐᓂ ᐃᓗᐊᓂ ᐊᖏᕐᕋᒥᒃᓘᓐᓃᑦ ᐃᖅᑲᓇᐃᔭᖅᑎᑦᑎᔨᐅᔭᕆᐊᓕᒃ ᑕᐃᑰᓇ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᒥ ᐱᖁᔭᐅᓪᓗᓂᓗ ᖃᐅᔨᒪᒋᐊᕐᓗᓂ ᐊᑦᑕᕐᓇᙱᑦᑐᒥᒃ ᐃᖅᑲᓇᐃᔭᕐᓂᕐᒥ ᒪᓕᑦᑎᐊᕐᓗᓂᓗ ᒪᓕᒐᓕᐊᒥᑦ. ᐊᑲᐅᓛᖑᔪᖅ ᖃᐅᔨᓗᓂ ᑭᓱᑦ ᑐᕌᒐᕆᖕᒪᖔᖅᐱᑦ ᖃᐅᔨᒋᐊᕐᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ.

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐃᖅᑲᐃᓯᒋᐊᖅᑐᖅ ᐃᖅᑲᓇᐃᔭᖅᑎᑦᑎᓕᒫᓂᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᒥ ᐊᒻᒪᓗ ᐃᖅᑲᓇᐃᔮᒧᑦ ᐋᓐᓂᐊᖃᕐᓇᙱᑦᑐᓕᕆᓂᖅ ᐊᑦᑕᕐᓇᖅᑕᐃᓕᒪᓂᕐᓗ ᐊᑐᐊᒐᖏᓐᓂ ᑕᐃᑲᓃᑦᑐᑦ ᓴᐳᒻᒥᓗᒋᑦ ᐃᖅᑲᓇᐃᔭᖅᑎᑦ ᐊᒻᒪ ᒥᒃᖠᒋᐊᕐᓗᒍ ᐊᑦᑕᕐᓇᕐᓂᖓ ᐋᓐᓂᕐᓂᖅ ᐊᒃᑐᐊᓂᓕᖕᓂ ᐊᔾᔨᒌᖏᑦᑐᓂ ᐱᓕᕆᐊᒃᓴᖃᖅᑎᑕᐅᓂᕐᓂ.

-30-

ᔮᑭᓖᓐ ᒧ
ᐊᐅᓚᑦᑎᔨᐅᓚᐅᑲᒃᑐᖅ, ᑐᓴᐅᒪᔪᓕᕆᔨᒃᑯᑦ
ᐅᖃᓘᑖ: (867) 920-3829
ᐊᑭᖃᙱᑦᑐᖅ: (800) 661-0792 ᑐᕌᕈᑎ. 3829