ᐱᕙᓪᓕᐊᔪᓕᕆᔨᓄᑦ ᓴᖅᑭᑎᑕᐅᔪᖅ: 59−ᔭᖓ ᐊᕐᕌᒍᑕᒫᑦ ᐅᔭᕋᕐᓂᐊᕐᕕᖕᒥ ᓴᐳᔾᔨᕙᖕᓂᕐᒧᑦ ᐊᔪᙱᓛᖑᓇᓱᖕᓂᖅ

ᔫᓂ 09 / 2016

ᐱᕙᓪᓕᐊᔪᓕᕆᔨᓄᑦ ᓴᖅᑭᑎᑕᐅᔪᖅ: 59−ᔭᖓ ᐊᕐᕌᒍᑕᒫᑦ ᐅᔭᕋᕐᓂᐊᕐᕕᖕᒥ ᓴᐳᔾᔨᕙᖕᓂᕐᒧᑦ ᐊᔪᙱᓛᖑᓇᓱᖕᓂᖅ

ᔭᓗᓇᐃᕝ, ᓄᓇᑦᑎᐊᖅ (ᔫᓂ 9, 2016) – ᐃᖅᑲᓇᐃᔭᖅᑏᑦ ᖁᐊᖅᓵᕐᓇᖅᑐᒦᑉᐸᙱᓐᓂᖏᓐᓄᑦ ᐊᑭᓕᖅᑕᐅᓕᖅᐸᖕᓂᖏᓐᓄᓪᓗ ᑲᒥᓴᒋᔭᐅᔪᖅ  (WSCC−ᑯᑦ) ᓄᓇᑦᑎᐊᒥᐅᓄᑦ ᓄᓇᕗᒻᒥᐅᓄᓪᓗ ᑐᙵᓵᕆᕗᑦ ᐅᑭᐅᖅᑕᖅᑐᒥᐅᓂᒃ ᑕᐅᑐᒋᐊᖅᑐᖁᓪᓗᒋᑦ ᐅᔭᕋᖕᓂᐊᕐᕕᖕᓂ ᓴᐳᔾᔨᓂᕐᒧᑦ ᐱᓕᕆᖃᑎᒌᒃᑐᓂᒃ ᑭᓱᓂᒃ ᓵᑦᑎᐊᕐᒥᐅᑕᖃᓕᖅᐸᖕᒪᖔᑕ, ᑖᒃᑯᐊ ᐱᓇᔪᓪᓚᕆᒃᑎᓪᓗᒋᑦ ᐊᔪᙱᓛᖑᓇᓱᒃᑎᓪᓗᒋᑦ 59−ᒋᔭᐅᔪᒥ ᐊᕐᕌᒍᑕᒫᑦ ᐅᔭᕋᖕᓂᐊᕐᕕᖕᒥ ᓴᐳᔾᔨᓂᕐᒧᑦ ᐊᔪᙱᓛᖑᓇᓱᒃᑎᓪᓗᒋᑦ.

ᑖᓐᓇ ᐊᕐᕌᒍᑕᒫᑦ ᐱᓕᕆᐊᖑᕙᒃᑐᖅ ᑲᔪᓯᑎᑕᐅᓛᖅᐳᖅ ᐅᓪᓗᑐᐃᓐᓇᒥ, ᔫᓂ 10−ᒥ, ᓯᕙᑖᕐᕕᖕᒥᓗ ᔫᓂ 11.  WSCC−ᑯᑦ ᑐᙵᓵᕆᕗᑦ ᑭᒃᑯᑐᐃᓐᓇᓂᒃ ᐱᓕᕆᔪᓂᒃ ᑕᐅᑐᒋᐊᖅᑐᖁᓪᓗᒋᑦ ᓯᕙᑖᕐᕕᐅᓕᖅᐸᑦ, ᔫᓂ 11−ᒥ, ᐅᕙᓂ, ᔭᓗᓇᐃᒥ Multiplex/Fieldhouse−ᑯᒃ ᓄᓇᓯᐅᑎᓄᑦ ᓄᖅᑲᖓᕝᕕᖁᑎᖓᓂ 8:00−ᒥᑦ ᐅᓪᓛᒥᑦ 3:00−ᒧᑦ ᐅᓐᓄᒃᓴᒧᑦ. ᑖᓐᓇ ᐊᔪᙱᓛᖑᓇᓱᒡᕕᐅᓂᖅ ᐊᑕᐅᑦᑎᒃᑰᖃᑎᖃᖅᐳᖅ ᓄᓇᑦᑎᐊᒥᐅᑦ ᓄᓇᕗᒻᒥᐅᓪᓗ ᑲᑐᔾᔨᖃᑎᒌᖏᑕ ᐅᔭᕋᖕᓂᐊᕐᕕᖕᓄᑦ ᐅᔭᕋᖕᓂᐊᖅᑏᑦ ᓯᓚᒥ ᓂᕆᖃᑎᒌᖕᓂᖏᓐᓄᑦ 12:00−ᒥᑦ ᐅᓪᓗᒥᑦ 3:00−ᒧᑦ ᐅᓐᓄᒃᓴᒧᑦ.

ᐅᔭᕋᖕᓂᐊᕐᕖᑦ ᓄᓇᑦᑎᐊᒥᐅᓂᑦ ᓄᓇᕗᒻᒥᐅᓂᓪᓗ ᐊᔪᙱᓛᖑᓇᓱᖕᓂᐊᖅᑐᑦ ᐊᑕᖐᔪᒥᒃ ᖄᖓᓄᑦ ᐊᑕᖐᔪᒧᓪᓗ ᓄᓇᐅᑉ ᐃᑭᐊᖓᓄᑦ ᓵᓚᖃᐅᓯᐊᖑᕙᒃᑑᖕᓄᑦ. 6−ᓂᒃ ᐱᓕᕆᖃᑎᒌᓂᒃ ᑕᓪᓕᒪᓂᑦ ᐅᔭᕋᖕᓂᐊᕐᕕᖕᓂᑦ ᑕᒪᑐᒪᓂ ᐊᕐᕌᒍᒥ ᐃᓚᐅᔪᖃᕐᓂᖅᑐᖅ ᐅᑯᐊᖑᓪᓗᑎᒃ: Diavik Diamond ᐅᔭᕋᖕᓂᐊᕐᕕᒃ – Rio Tinto; Ekati Diamond ᐅᔭᕋᖕᓂᐊᕐᕕᒃ – Dominion Diamond Corporation; Gahcho Kué Diamond ᐅᔭᕋᖕᓂᐊᕐᕕᒃ – De Beers Canada Inc.; Hope Bay Gold ᐅᔭᖃᖕᓂᐊᕐᕕᒃ – TMAC Resources Inc.; ᐊᒻᒪᓗ Meadowbank Gold ᐅᔭᕋᖕᓂᐊᕐᕕᒃ – Agnico Eagle Mines Ltd−ᑯᓪᓗ.

ᐅᔭᕋᖕᓂᐊᕐᕕᖕᓂ ᓴᐳᔾᔨᓂᕐᒧᑦ ᐊᔪᙱᓛᖑᓇᓱᖃᑦᑕᐅᑎᓃᑦ ᐱᕕᒃᓴᖃᖅᑎᑦᑎᕙᒃᐳᑦ ᐅᔭᕋᖕᓂᐊᕐᕕᖕᓂᒃ ᖃᐅᔨᓴᕈᓐᓇᕐᓗᒋᑦ ᖃᓄᕐᓗ ᐊᔾᔨᖃᖅᑎᒋᓂᖏᓐᓂᒃ ᑲᔪᓯᓂᖃᑦᑎᐊᕈᓐᓇᕐᓂᖏᑦ ᖃᓄᕐᓗ ᐱᐅᑎᒋᓂᖏᓐᓂᒃ ᐅᔭᕋᖕᓂᐊᕐᕕᖕᓂ ᓴᐳᔾᔨᔪᓐᓇᕐᓂᕐᒧᑦ ᐊᔪᕈᓐᓃᖅᓴᕐᓂᕐᒧᑦ ᐱᓕᕆᐊᖑᕙᒃᑐᑦ. ᐱᓕᕆᖃᑎᒌᑦ ᐃᓚᐅᕙᒃᐳᑦ ᖁᕕᐊᓱᖃᑎᒌᖕᓂᒃᑯᑦ ᐊᔪᙱᓛᖑᓇᓱᒃᖢᑎᒃ ᐱᓕᕆᖃᑎᒌᒃᖢᑎᒡᓗ ᑐᑭᓯᐅᒪᓕᕈᒪᓂᕐᒧᑦ ᐊᓯᑎᒃ ᐱᓕᕆᖃᑎᒌᑦ ᐱᓕᕆᕙᖕᒪᖔᑕ, ᑕᐃᒪᐃᓕᐅᕐᓂᕐᒥᓂᓗ ᖃᐅᔨᓴᖅᓯᕙᒃᖢᑎᒃ ᓇᖕᒥᓂᖅ ᐅᔭᕋᖕᓂᐊᕐᕕᖕᓂ ᓴᐳᔾᔨᓂᐊᕐᓗᓂ ᐊᔪᙱᓐᓂᕆᔭᒥᓂᒃ.

ᐊᔪᙱᓐᓂᕆᔭᐅᓕᖅᐸᒃᑐᓄᑦ ᐊᔪᙱᓛᖑᓇᓱᖕᓃᑦ ᐃᓚᖃᖅᐳᑦ ᑎᑎᕋᖅᓯᓗᓂ ᖃᐅᔨᓴᕐᕕᐅᓇᔭᕐᓂᕐᒥᒃ, ᐃᑯᒪᔪᒥᒃ ᖃᒥᑦᑎᓇᓱᖕᓂᕐᒥᒃ, ᖄᖓᓂ ᐱᓕᕆᕝᕕᒋᔭᐅᕙᒃᑐᒥ ᐃᒃᓯᕙᐅᑕᕐᒥ, ᓄᓇᐅᑉ ᐃᑭᐊᖓᓂ ᐱᓕᕆᕝᕕᒋᔭᐅᕙᒃᑐᒥ ᐃᒃᓯᔭᐅᑕᕐᒥ, ᓄᓇᐅᑉ ᐃᑭᐊᖓᓂ ᐊᔭᖅᑭᑦᑕᕈᑕᐅᕙᒃᑐᓄᑦ, ᐳᔪᕐᒧᑦ (ᓄᓇᐅᑉ ᖄᖓᓂ ᐃᑭᐊᖓᓂᓗ), ᐊᒃᖢᓇᐅᔭᕐᒧᑦ ᓴᐳᔾᔨᓇᔭᕐᓂᕐᒧᑦ, ᓯᕗᓪᓕᖅᐹᒥᒃ ᐃᓗᐊᖅᓴᐃᓇᔭᕐᓂᕐᒥᒃ, ᓄᓇᐅᓪᓗ ᖄᖓᓂ ᓴᐳᔾᔨᓇᔭᕐᓂᕐᒥᒃ. ᖃᐅᔨᓴᖅᑏᑦ ᖃᐅᔨᓴᖅᓯᕙᒃᐳᑦ ᑕᒪᐃᓐᓂᒃ ᐊᑐᓂᑦ ᐱᓕᕆᐊᖑᔪᓂᒃ, ᑕᒪᒃᑯᐊᓗ ᐊᔾᔨᒌᙱᓐᓂᖃᖅᖢᑎᒃ ᓴᐳᔾᔨᓂᕐᒧᑦ ᐊᑐᖅᑕᐅᕙᒃᑐᓂᒃ ᖃᐅᔨᓴᖅᓯᓂᕐᒥᒃ ᐱᕐᕈᓗᐊᕿᕐᔪᐊᙳᐊᖅᑐᓄᑦ.

-30-

ᑭᒻ ᐅᐊᑯᕐ

ᐊᐅᓚᑦᑎᔨ, ᑐᓴᐅᒪᑎᑦᑎᓂᕐᒧᑦ

T: 867-920-3846

TF: 1-800-661-0792 ext. 3846