ᐱᕙᓪᓕᐊᔪᓕᕆᔨᓂᑦ ᓴᖅᑭᖅᑕᐅᔪᖅ: ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᓇᓪᓕᐅᒃᑯᒫᓂᓪᓗ ᖃᐅᔨᓴᖅᑏᑦ ᐸᓯᔭᑦᓴᙳᑎᑦᓯᕗᑦ ᒪᓕᓪᓗᒍ ᓄᓇᑦᓯᐊᕐᒥᑦ ᐊᑦᑕᕐᓇᖅᑐᓕᕆᓂᕐᒧᑦ ᐱᖁᔭᖓ

ᔪᓚᐃ 18 / 2017

ᐱᕙᓪᓕᐊᔪᓕᕆᔨᓂᑦ ᓴᖅᑭᖅᑕᐅᔪᖅ: ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᓇᓪᓕᐅᒃᑯᒫᓂᓪᓗ ᖃᐅᔨᓴᖅᑏᑦ ᐸᓯᔭᑦᓴᙳᑎᑦᓯᕗᑦ ᒪᓕᓪᓗᒍ ᓄᓇᑦᓯᐊᕐᒥᑦ ᐊᑦᑕᕐᓇᖅᑐᓕᕆᓂᕐᒧᑦ ᐱᖁᔭᖓ

ᔭᓗᓇᐃᕝ, ᓄᓇᑦᓯᐊᖅ (ᔪᓚᐃ 18, 2017) - ᔪᓚᐃ 14, 2017, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᓇᓪᓕᐅᒃᑯᒫᓂᓪᓗ ᖃᐅᔨᓴᖅᑏᑦ ᓯᑕᒪᓂᑦ ᐸᓯᔭᑦᓴᙳᖅᑎᑦᓯᓚᐅᖅᑐᖅ ᓄᓇᑦᓯᐊᕐᒥᑦ ᐃᖅᑲᖅᑐᐃᕕᒻᒥᑦ ᓄᓇᑦᓯᐊᕐᒥᑦ ᔭᓗᓇᐃᕝᒥᑦ, ᒪᓕᓪᓗᒍ ᓄᓇᑦᓯᐊᕐᒥᑦ ᐊᑦᑕᕐᓇᖅᑐᓕᕆᓂᕐᒧᑦ ᐱᖁᔭᖓᓂᑦ.

ᐊᒥᓱᑦ ᐊᔾᔨᒌᖏᑦᑐᑦ ᐱᕋᔭᓐᓂᕕᓂᐅᔪᑦ ᐊᑦᑕᕐᓇᖅᑐᓕᕆᓂᕐᒧᑦ ᐱᖁᔭᖓᓂᑦ, ᐃᓚᒋᔭᐅᑦᓱᑎᒃ:

  • ᐅᔾᔨᕈᓱᖏᑦᑐᒥᓂᐅᓂᖏᓐᓂᑦ ᐊᑐᖅᑕᐅᔭᕆᐊᓕᓕᒫᓂᑦ, ᑲᒪᒋᔭᖃᖏᑦᑐᒥᓂᐅᓂᖏᓐᓄᓪᓗ ᐊᑐᖅᑕᐅᔭᕆᐊᓕᓕᒫᓂᑦ ᐱᓕᕆᔾᔪᓯᕐᓂᓪᓗ ᓇᓗᓇᐃᖅᓯᓂᕐᒥᑦ ᖃᓄᐃᖏᓂᕐᒧᑦ ᐊᑦᑕᕐᓇᑦᑐᓕᕆᓂᕐᒧᓪᓗ ᑭᒃᑯᓕᒫᓂᑦ ᐃᖅᑲᓇᐃᔭᕐᕕᒻᒥᑦ;
  • ᓇᓗᓇᐃᖅᓯᖏᓐᓂᕐᒥᑦ ᐃᖅᑲᓇᐃᔭᖅᑎᓕᒫᑦ ᐊᑐᕋᓗᐊᕐᒪᖔᑕ ᐃᔪᒃᑲᕐᓂᕐᒧᑦ ᓴᐳᔾᔨᔾᔪᑎᓂᑦ ᐊᑐᖅᑕᐅᖃᑦᑕᖅᑐᓂᑦ ᐃᖅᑲᓇᐃᔭᖅᑎ ᐃᔪᒃᑲᕋᔭᖅᐸᑦ 3-ᒦᑕᒥᑦ ᐅᖓᑖᓄᓪᓘᓐᓃᑦ;
  • ᓇᓗᓇᐃᖅᓯᖏᓐᓂᕐᒥᑦ ᐃᔪᒃᑲᕐᓂᕐᒧᑦ ᓴᐳᔾᔨᔾᔪᑎᓄᑦ ᐱᕙᒌᔭᕐᓂᕐᒧᑦ ᐊᑐᐃᓐᓇᐅᓂᖏᓐᓄᑦ ᐃᖅᑲᓇᐃᔭᖅᑎᓄᑦ; ᐊᒻᒪᓗ
  • ᓇᓗᓇᐃᖅᓯᖏᓐᓂᕐᒥᑦ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᓯᒪᒐᓗᐊᕐᒪᖔᑕ ᐃᔪᒃᑲᕐᓂᕐᒧᑦ ᓴᐳᔾᔨᔾᔪᑎᓄᑦ ᐱᕙᒌᔭᕐᓂᕐᒧᑦ ᐊᑐᕐᓂᕐᒥᓪᓗ ᐊᑦᑕᕐᓇᖏᑦᑐᒥᑦ ᐃᔪᒃᑲᕐᓂᕐᒧᑦ ᓴᐳᔾᔨᔾᔪᑎᓂᑦ ᐊᑐᖅᑕᐅᖃᑦᑕᖅᑐᓂᑦ ᐱᔭᕆᐊᖃᓚᐅᖅᑎᓐᓇᒋᑦ ᐃᖅᑲᓇᐃᔭᕈᓐᓇᖅᓯᓚᐅᖅᑎᓐᓇᒋᓪᓘᓐᓃᑦ ᐃᖅᑲᓇᐃᔭᕐᕕᐅᔪᒥᑦ.

ᐸᓯᔭᑦᓴᙳᖅᑎᑕᐅᔪᖅ ᐹᓪ ᑰᕆᓐ, ᐃᖅᑲᓇᐃᔭᖅᑎᑦᓯᔨᐅᓪᓗᓂ.

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᓇᓪᓕᐅᒃᑯᒫᓂᓪᓗ ᖃᐅᔨᓴᖅᑏᑦ ᐃᖅᑲᓇᐃᑎᑦᓯᒋᐊᖅᑐᑦ ᐃᖅᑲᓇᐃᔭᖅᑎᑦᓯᔨᐅᔪᓕᒫᓂᑦ ᓇᓗᓇᐃᖅᓯᓂᕐᒥᑦ ᖃᓄᐃᖏᓐᓂᖏᓐᓂᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᑭᒃᑯᓕᒫᑦ ᐃᖅᑲᓇᐃᔭᖅᑐᓂᑦ ᐃᖅᑲᓇᐃᔭᕐᕕᖏᓐᓂᑦ, ᐊᑐᐃᓐᓇᐅᑎᑦᓯᒋᐊᖃᕐᓂᖏᓐᓂᓪᓗ, ᐊᑐᖅᑎᑦᓯᔭᕆᐊᖃᕐᓂᖏᓐᓄᓪᓗ ᐃᖅᑲᓇᐃᔭᖅᑎᓕᒫᓂᑦ, ᐃᔪᒃᑲᕐᓂᕐᒧᑦ ᓴᐳᔾᔨᔾᔪᑎᓂᑦ ᐃᖅᑲᓇᐃᔭᕐᓂᐊᖅᑎᓪᓗᒋᑦ ᖁᑦᓯᓐᓂᓕᓐᓂᑦ 3-ᒦᑕᒥᑦ ᖁᑦᓯᓐᓂᖅᓴᒥᓪᓘᓐᓃᑦ.

ᐃᖅᑲᖅᑐᐃᕕᒻᒥᑦ ᓴᖅᑭᒋᐊᖓᓛᖅᑐᑦ ᓯᕗᓪᓕᕐᒥᑦ ᑕᒪᑐᒧᖓ ᐋᖅᑭᑦᑕᐅᓯᒪᔪᖅ ᐊᐅᒡᒍᓯ 29, 2017 ᔭᓗᓇᐃᕝ, ᓄᓇᑦᓯᐊᕐᒥᑦ.

-30-

ᑭᐃᒻ ᐅᐋᑯ
ᐊᐅᓚᑦᓯᔨ, ᑐᓴᐅᒪᖃᑦᑕᐅᑎᓂᕐᒧᑦ
ᐅᖄᓚᐅᑎᖓ: (867) 920-3846
ᐊᑭᖃᖏᑦᑐᖅ: (800) 661-0792