ᐱᕙᓪᓕᐊᔪᑦ ᓴᖅᑭᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑏᑦ ᐸᓯᔭᒃᓴᙳᖅᑎᑦᑎᕗᑦ ᓄᓇᑦᓯᐊᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᖅ ᒪᓕᒃᖢᒍ

ᒪᐃ 23 / 2017

ᐱᕙᓪᓕᐊᔪᑦ ᓴᖅᑭᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑏᑦ ᐸᓯᔭᒃᓴᙳᖅᑎᑦᑎᕗᑦ ᓄᓇᑦᓯᐊᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᖅ ᒪᓕᒃᖢᒍ

ᔭᓗᓇᐃ ᓄᓇᑦᓯᐊᖅ (ᒪᐃ 23, 2017) – ᒪᐃy 10, 2017−ᒥ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑏᑦ 9−ᓂᒃ ᐸᓯᔭᒃᓴᐅᔾᔪᑎᓂᒃ ᐃᖅᑲᖅᑐᐃᕕᖕᒧᐊᖅᓯᓚᐅᖅᐳᑦ ᓄᓇᑦᓯᐊᒥ ᐃᖅᑲᖅᑐᐃᕕᓕᕆᔨᒃᑯᓐᓄᑦ ᓄᓇᑦᓯᐊᒥ’ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᖅ ᒪᓕᒃᖢᒍ.

ᖃᔅᓯᑲᓪᓚᐃᑦ ᓈᓴᖅᑕᐅᔪᑦ ᐊᔾᔨᒌᙱᑦᑐᑦ ᓱᕋᐃᓂᕋᐃᓯᒪᔪᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᒥᑦ ᐊᒻᒪ ᐃᖅᑲᓇᐃᔭᕐᕕᖕᒥ ᖃᓄᐃᙱᑦᑎᐊᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᒪᓕᒐᕐᓂᒃ, ᐱᖃᓯᐅᑎᓪᓗᒍ ᖃᐅᔨᒋᐊᕈᑎᒃᓴᓂᒃ, ᐊᔪᕆᖅᓲᔾᔨᓯᒪᔪᓂᒃ, ᐱᓕᒻᒪᒃᓴᕈᑎᓂᒃ ᐊᒻᒪ ᐊᐅᓚᑦᑎᔨᐅᓂᐊᖅᑐᒥᒃ ᐊᑐᕆᐊᓕᖕᓂᒃ ᐊᑐᐃᓐᓇᐅᑎᑦᑎᓚᐅᙱᓐᓂᖏᑦ ᐃᖅᑲᓇᐃᔭᖅᑏᑦ ᓴᐳᔾᔭᐅᓯᒪᖁᓪᓗᒋᑦ ᐊᒻᒪ ᐊᑦᑕᕐᓇᖅᑐᒦᖁᙱᖦᖢᒋᑦ; ᐃᖅᑲᓇᐃᔭᖅᑎᓕᒫᑦ ᓇᓗᓇᐃᕐᕕᐅᖃᑦᑕᙱᑉᐸᑕ ᓈᒻᒪᒃᑐᒥᒃ ᐊᒻᒪ ᐊᔪᙱᑦᑐᒥᒃ ᐊᐅᓚᑦᑎᔨᖃᕆᐊᖃᕐᓂᖏᓐᓂᒃ; ᐊᒻᒪ ᐊᐅᓚᑦᑎᔨᓕᒫᑦ ᓇᓗᓇᐃᕐᕕᐅᙱᑉᐸᑕ ᐊᖏᖅᑕᐅᓯᒪᔪᒥᑦ ᐊᐅᓚᑦᑎᔾᔪᑎᓂᒃ ᓱᖏᐅᑎᕙᓪᓕᐊᔾᔪᑎᒥᒃ ᐱᔭᕇᖅᓯᔭᕆᐊᖃᕐᓂᖏᓐᓂᒃ.

ᐅᑯᐊ ᐸᓯᔭᒃᓴᙳᖅᑎᑕᐅᔪᑦ ᐋᓪᓚᓐ ᐱᔨᑦᑎᕋᖅᑎᒃᑯᑦ ᐊᒻᒪ ᑳᑦᑐᓛᒃᑎᑦᑎᔨᑦ, ᐊᖓᔪᖅᑳᖓᓗ, ᐳᕋᐃᔭᓐ ᒪᒃᑳᑎ, ᐊᖓᔪᒃᖠᖅ. 

ᓱᕋᐃᓂᕋᖅᑕᐅᔾᔪᑎᖃᖅᐳᑦ ᖃᓄᐃᖅᑐᖃᓚᐅᖅᑎᓪᓗᒍ ᐃᖅᑲᓇᐃᔭᖅᑎᒥᒃ ᐋᓐᓂᕐᔪᐊᖅᑐᖃᖅᖢᓂ ᐃᖅᑲᓇᐃᔭᕐᕕᖕᒥᓂ, ᐊᖅᑯᑎᖓᓂ ᐃᓄᕕᖕᒥ ᖃᖓᑦᑕᖅᑎᑕᐅᓯᒪᔪᓄᑦ ᐃᒡᓗᖃᕐᕕᐊᓄᑦ ᐃᓄᕕᐅᑉ ᖃᓂᒋᔮᓂ, ᓄᓇᑦᓯᐊᒥ. ᔫᓂ 28, 2016−ᒥ ᖃᓄᐃᓕᔪᖃᓚᐅᖅᐳᖅ.

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᓪᓗ ᖃᐅᔨᓴᖅᑏᑦ ᐃᖅᑲᓇᐃᔭᖅᑎᓕᒫᓂᒃ ᐃᖅᑲᐃᓯᔪᒪᕗᑦ ᐃᖅᑲᓇᐃᕐᔭᕐᕕᖕᒥᓂ ᑲᒪᒋᔭᒃᓴᕆᕙᒃᑕᖏᑦ ᐅᑯᐊᖑᕗᑦ ᐅᔾᔨᖅᓱᑦᑎᐊᕆᐊᖃᖅᖢᑎᒃ ᐃᓄᓕᒫᑦᑎᐊᑦ ᐃᖅᑲᓇᐃᔭᕐᕕᖕᒦᑦᑐᑦ ᐊᑦᑕᕐᓇᙱᑦᑐᒦᖁᓪᓗᒋᑦ. ᐃᖅᑲᓇᐃᔭᖅᑏᑦ ᐃᖅᑲᐃᓯᔭᐅᒋᕗᑦ ᑲᒪᒋᔭᕆᐊᖃᖅᑕᖏᓐᓂᒃ ᓇᖕᒥᓂᖅ ᐊᑦᑕᕐᓇᖅᑕᐃᓕᒪᖁᓪᓗᒋᑦ, ᐊᒻᒪ ᐊᓯᖏᑦ ᐃᓄᐃᑦ ᐃᖅᑲᓇᐃᔭᕐᕕᖕᒥᓂ ᐊᑦᑕᕐᓇᙱᑦᑐᒦᖁᓪᓗᒋᑦ, ᐃᓚᒋᔭᐅᓪᓗᓂ ᐱᓇᓱᐊᖃᑎᒌᓂᒃ ᑲᒪᒋᔭᐅᔾᔪᑎᖏᓐᓂᒃ.

ᓯᕗᓪᓕᖅᐹᒥ ᐃᖅᑲᖅᑐᐃᕕᖕᒧᐊᕆᐊᖃᓛᖅᑐᑦ ᑕᒪᑐᒥᖓ ᐱᔾᔪᑎᖃᕐᓗᑎᒃ ᔫᓂ 13, 2017-ᒥ ᐃᓅᕕᖕᒥ, ᓄᓇᑦᓯᐊᒥ. 

-30-

 

ᑭᒻ ᐅᐊᑯ
ᐊᐅᓚᑦᑎᔨ, ᑐᓴᐅᒪᔪᓕᕆᔨᒃᑯᑦ
ᐅᖃᓘᑖ: (867) 920-3846
ᐊᑭᖃᙱᑦᑐᖅ: (800) 661-0792 ᓇᕿᓪᓗᒋᑦ 3846

ᖃᐅᔨᒪᔭᕆᐊᓕᒃ: 

1. ᑖᓐᓇ ᐱᓕᕆᐊᒃᓴᖅ ᐃᖅᑲᖅᑐᐃᕕᒃᑯᑦ ᓵᖓᓃᓕᕐᒪᑦ, ᑕᐃᒪᐃᒻᒪᑦ ᖃᐅᔨᒋᐊᕈᑎᒃᓴᒃᑲᓐᓂᕐᓂᒃ ᓴᖅᑭᑎᑕᐅᔪᖃᕈᓐᓇᙱᑐᐃᓐᓇᕆᐊᓕᒃ. 
2. ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᒥ, ᐃᓚᖓᓂ 11, ᐊᑐᕆᐊᓕᖏᓐᓂᒃ ᓇᓗᓇᐃᖅᓯᒪᕗᖅ ᐅᖃᐅᓯᐅᕈᓘᔭᕆᐊᖃᙱᓐᓂᖓᓂᒃ ᐃᓄᖕᒥᒃ ᐱᔾᔪᑎᖃᕐᓗᑎᒃ ᑎᑎᕋᖅᓯᒪᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᓪᓗ ᓴᖅᑭᑎᑕᐅᔪᑦ. ᑐᑭᓯᒋᐊᕈᓐᓇᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐊᒻᒪ ᓴᐳᔾᔨᓯᒪᓂᕐᒧᑦ ᑲᙳᓇᖅᑐᓂᒃ ᐱᖁᔭᕐᒥ ᐅᖃᖅᓯᒪᒋᕗᖅ ᐃᓄᖕᒥᒃ ᐱᔾᔪᑎᖃᕐᓗᑎᒃ ᑎᑎᕋᖅᓯᒪᔪᓂᒃ ᒐᕙᒪᒃᑯᑦ ᑎᒥᖁᑎᖏᑦ ᓴᖅᑭᑎᑕᐅᔪᓐᓇᖅᐳᑦ ᐅᕝᕙᓘᓐᓃᑦ ᑐᑭᓯᒋᐊᕈᑎᒃᓴᓂᒃ ᓇᓗᓇᐃᖅᓯᓪᔪᑕᐅᔪᓐᓇᖅᑐᓂᒃ ᐃᓄᖕᒥᒃ.