ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐋᓚᓐ ᐱᔨᑦᑎᕋᖅᑏᑦ ᐊᒻᒪ ᑳᓐᑐᕌᖅᑏᑦ ᑎᒥᖓᑦ. ᐃᖅᑲᖅᑐᐃᕕᒃᑯᑦ ᖃᓄᐃᓕᑎᑕᐅᓂᖓ ᓯᖁᒥᑦᑎᓂᖓᓄᑦ ᓄᓇᑦᓯᐊᒥ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ

22nd Feb 2018

ᔨᐊᓗᓇᐃ, ᓄᓇᑦᓯᐊᖅ (ᕕᕝᕗᐊᕆ 21, 2018) – ᕕᕝᕗᐊᕆᒥ 20, 2018, ᐋᓚᓐ ᐱᔨᑦᑎᕋᖅᑏᑦ ᐊᒻᒪ ᑳᓐᑐᕌᖅᑏᑦ ᑎᒥᖓᑦ (“ᐋᓚᓐ ᐱᔨᑦᑎᖃᖅᑏᑦ”) ᓄᓇᑦᓯᐊᒥ ᐃᖅᑲᖅᑐᐃᕕᒻᒦᓚᐅᖅᑐᑦ ᐃᓅᕕᒃᒥ. ᐋᓚᓐ ᐱᔨᑦᑎᖃᖅᑏᑦ ᐸᓯᔭᔅᓴᖑᖅᑎᑕᐅᓯᒪᕋᑖᖑᒻᒥᔪᑦ ᓯᖁᒥᑦᑎᓂᖓᓄᑦ ᐊᑖᓂ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ ᐅᑦᑎᔨᖃᑦᑎᐊᖏᓐᓂᖓᓄᑦ ᐱᔪᓐᓇᕐᓂᖃᑦᑎᐊᖅᑐᒧᑦ, ᓯᖁᒥᑦᑎᓂᐅᔪᖅ ᐃᓚᖓ 16(1)(a) ᐅᑯᓂᖓ ᐃᖅᑲᓇᐃᔭᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ (OHS) ᒪᓕᑦᑕᐅᔭᕆᐊᓖᑦ.

ᐃᖅᑲᑐᐃᕕᒻᒥ ᐸᓯᔾᔨᔩᑦ ᐊᒻᒪ ᒪᓕᒐᓕᕆᔨᖓ ᐋᓚᓐ ᐱᔨᑦᑎᖃᖅᑏᑦ ᑲᑐᑎᓪᓗᑎ ᑐᓂᓯᓚᐅᖅᑐᑦ ᐊᑭᓖᑎᑕᐅᓗᓂ $100,000. ᒪᓕᒐᓕᕆᔨᖓ ᐋᓚᓐ ᐱᔨᑦᑎᖃᖅᑏᑦ ᑐᔅᓯᕋᓚᐅᖅᑐᑦ ᖁᔭᓈᖅᑕᐅᓂᖓᓄᑦ ᐊᑦᑕᓇᐃᖅᓯᒪᖏᑦᑐᒧᑦ ᓯᖁᒥᑦᑎᓂᕐᒧᑦ ᐸᓯᔭᐅᒃᑲᓂᕐᓂᖓᓄᑦ. ᐃᖅᑲᖅᑐᐃᔨ ᐊᖏᓚᐅᖅᑐᖅ ᑲᑐᑎᔭᐅᔪᓂ ᑐᓂᔭᐅᔪᓂᑦ, ᐊᒻᒪᓗᑦᑕᐅᖅ ᑐᔅᓯᕋᐅᑎᐅᔪᖅ ᖁᔭᓈᖅᑕᐅᓂᖓᓄᑦ ᐊᑦᑕᓇᐃᖅᓯᒪᖏᑦᑐᒧᑦ ᓯᖁᒥᑦᑎᓂᕐᒧᑦ ᐸᓯᔭᐅᒃᑲᓂᕐᓂᖓᓄᑦ. ᐋᓚᓐ ᐱᔨᑦᑎᖃᖅᑏᑦ ᐃᖅᑲᖅᑐᐃᕕᒃᑯᑎᒍᑦ ᐊᑭᑎᑕᐅᔪᑦ $100,000, ᐊᑭᓕᐅᑎᒋᔭᐅᔪᑦ ᐊᒻᒪ ᐃᓚᒋᓪᓕᖅᑐᓂᐅᒃᑲ ᐃᖅᑲᓇᐃᔭᖅᑎᓄᑦ ᓴᐳᒻᒥᔭᐅᓂᖏᓐᓄᑦ ᓇᐅᔭᐃᑦ.

ᐸᓯᔭᐅᓯᒪᔪᖅ ᖃᓄᐃᓐᓂᐅᓚᐅᖅᑐᒥᑦ ᔫᓂ 28, 2016 ᐃᖅᑲᓇᐃᔭᖅᑎᐅᔪᖅ, ᑕᐃᕕᑦ ᔮᓐ ᕕᓂᑰᒻ, ᐋᓐᓂᕐᔪᐊᕐᓂᕆᓚᐅᖅᑕᖓᓄᑦ ᐃᖅᑲᓇᐃᔭᕐᕕᐅᔪᒥᑦ ᖃᓂᒋᔭᖓᓂ ᐃᓅᕕᒃ, ᓄᓇᑦᓯᐊᖅ.

ᐱᒻᒪᕆᐅᔪᖅ ᐃᖅᑲᓇᐃᔭᖅᑎᑦᑎᔪᓕᒫᑦ ᓈᒻᒪᑦᑐᓂ ᓯᕗᓂᐊᒍᑦ ᐊᑦᑕᓇᐃᖅᓯᒪᓗᑎ ᐃᓄᐃᑦ ᐃᖅᑲᓇᐃᔭᕐᕕᒦᑦᑐᓕᒫᑦ ᐊᑦᑕᓇᐃᖅᓯᒪᖁᓪᓗᒋᑦ, ᐱᖃᓯᐅᑎᓪᓗᓂ ᐃᓕᓐᓂᐊᖅᓯᒪᑦᑎᐊᕐᓂᖅ ᐊᐅᓚᐅᑎᒨᖅᑐᓄᑦ ᐃᖏᕋᔾᔪᑎᓄᑦ ᐊᐅᓚᑦᑎᓂᖃᖅᑐᓄᑦ ᐊᒻᒪ ᐊᓯᖏᓐᓂᑦ ᐅᖁᒪᐃᑦᑐᓂᑦ ᐊᐅᓚᐅᑎᓕᓐᓂᑦ. ᐃᖅᑲᓇᐃᔭᖅᑎᑦᑎᔪᓕᒫᑦ ᐅᖃᐅᔾᔨᓯᒪᑦᑎᐊᕆᐊᓖᑦ ᐊᑐᓂ ᐃᖅᑲᓇᐃᔭᖅᑎᓂᑦ ᐊᑦᑕᓇᖏᑦᑐᒥᑦ ᐃᖅᑲᓇᐃᔭᕈᓐᓇᖁᓪᓗᒋᑦ.

-30-

ᔮᑭᓖᓐ ᒨ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᕐᒧᑦ
ᐅᖄᓚᐅᑦ: (867) 920-3829
ᐊᑭᖃᙱᑦᑐᖅ: (800) 661-0792 ᓇᕿᑦᑕᓗᒍᓗ 3829