ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔪᖅᓱᕐᓗᒍ ᐊᐅᐸᔮᖅᑐᒥᑦ ᐅᕕᓂᕈᕐᒥ ᐅᓪᓗᖓ

ᕖᕝᕗᐊᕆ 28 / 2018

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔪᖅᓱᕐᓗᒍ ᐊᐅᐸᔮᖅᑐᒥᑦ ᐅᕕᓂᕈᕐᒥ ᐅᓪᓗᖓ

ᔨᐊᓗᓇᐃᕝ, ᓄᓇᑦᓯᐊᖅ (ᕕᕝᕗᐊᕆ 28, 2018) – ᑲᔪᓯᑎᑕᐅᓪᓗᓂ ᐃᓕᓴᕆᔭᐅᓂᖓ ᐊᐅᐸᔮᖅᑐᒥᑦ ᐅᕕᓂᕈᕐᒥᑦ ᐅᓪᓗᖓ, ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓄᓇᑦᓯᐊᒥ ᐊᒻᒪ ᓄᓇᕗᒻᒥ ᐊᑐᓚᐅᖅᑐᑦ ᐊᐅᐸᔮᖅᑐᓂᑦ ᐅᓪᓗᒥ ᐃᑲᔪᖅᓱᕐᓗᑎ ᓲᖑᓴᑦᑕᐅᓕᒪᑎᑦᑎᓂᕐᒥᑦ, ᑮᓇᐅᔭᓕᐅᕐᓂᖃᖅᑐᑎᑦ ᑲᑎᑦᑐᒋᑦ $840 ᐱᔾᔪᑎᖏᓐᓄᑦ.

ᐊᕐᕌᒍᒐᓚᐅᓕᖅᑐᓂᑦ, ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖏᔪᖅᑳᖓᑦ ᐊᒻᒪ ᐊᓪᓚᕕᒻᒥ ᐊᖏᔪᖅᑳᖅ ᑕᐃᕝ ᒐᓐᑎ ᐱᒃᑲᐅᓛᖑᑎᑦᑎᓯᒪᔪᖅ ᐃᖅᑲᓇᐃᔭᖅᑎᓂᑦ ᑕᑯᔅᓴᐅᑎᑦᑎᓗᑎ ᐃᑲᔪᖅᓱᕐᓂᖏᓐᓄᑦ ᐊᐅᐸᔮᖅᑐᒥ ᐅᕕᓂᕈᕐᒥ ᐅᓪᓗᖓᓂ ᑲᔪᖏᖅᓯᓯᒪᓪᓗᑎ ᑐᓂᓯᑐᐃᓐᓇᖅᑐᑎ ᐊᐅᐸᔮᖅᑐᓂᑦ ᐅᕕᓂᕈᕐᓂᑦ ᐊᑐᖅᑐᓕᒫᓄᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔭᖅᑏᑦ ᒪᑭᓚᐅᖅᑐᑦ ᐅᓇᒻᒥᔭᐅᓂᕐᒧᑦ ᕕᕝᕗᐊᕆ 28 ᐊᒻᒪ ᑲᑐᑎᓪᓗᑎ ᑮᓇᐅᔭᓕᐅᕐᓂᖃᖅᑎᑦᑎᓚᐅᖅᑐᑦ ᐃᑲᔪᖅᑐᐃᓪᓗᑎ ᓲᖑᓴᑦᑕᐅᓕᒪᑎᑦᑎᓂᕐᒥᑦ ᐱᔾᔪᑎᖃᖅᑐᑎ. ᑐᓂᔭᐅᑐᐃᓐᓇᖅᑐᑦ ᑕᒪᑐᒪᓂ ᐊᕐᕌᒍᒥ ᑐᓂᔭᐅᓚᐅᖅᑐᑦ ᐃᑰᓪ ᐅᐃᓕᐊᒻ ᒪᒃᑖᓄᑦ ᐃᓕᓐᓂᐊᕕᒻᓄᑦ ᔨᐊᓗᓇᐃᒥ, ᐃᑲᔪᓱᖅᑐᑎ ᐅᕙᖓ ᐊᒻᒪ ᐃᕝᕕᑦ ᐱᓕᕆᐊᒥᑦ.

“ᐱᒻᒪᕆᐅᓕᖅᐸᓪᓕᖑᑐᐃᓐᓇᖅᑐᖅ ᓱᕈᓯᑦᑎᓐᓄᑦ − ᐊᒻᒪ ᓯᕗᓂᔅᓴᑎᓄᑦ ᒪᒃᑯᑦᑐᑦ ᐃᖅᑲᓇᐃᔭᖅᑎᓄᑦ − ᓲᖑᓴᕐᓂᖅ ᓈᒻᒪᖏᒻᒪᑦ, ᐃᓕᓐᓂᐊᕕᒻᒥᐅᒐᓗᐊᖅᑲᑦ, ᐊᖏᕋᒥ, ᐅᕝᕙᓘᓐᓃᑦ ᐃᖅᑲᓇᐃᔭᕐᕕᐅᔪᒥᑦ,” ᐅᖃᖅᑐᖅ ᑕᐃᕝ ᒐᓐᑎ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖏᔪᖅᑳᖓᑦ ᐊᒻᒪ ᐊᓪᓚᕕᒻᒥ ᐊᖏᔪᖅᑳᖅ. “ᐃᓚᒋᔭᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᕌᒐᖓᑦ ᐊᑦᑕᓇᐃᖅᓯᒪᓂᕐᒧᑦ ᐃᖅᑲᓇᐃᔭᕐᕕᒻᒥ, ᑭᓯᐊᓂ ᐊᑦᑕᓇᖏᑦᑐᖅ ᐃᖅᑲᓇᐃᔭᕐᕕᒃ ᐱᖃᓯᐅᔾᔨᔪᖅ ᐃᓱᒪᒃᑯᑦ ᖃᓄᐃᖏᑎᐊᓂᕐᒥᑦ ᐃᖅᑲᓇᐃᔭᖅᑎᑎᓐᓄᑦ. ᐃᖅᑲᓇᐃᔭᖅᑎᕗᑦ ᑕᑯᔅᓴᐅᑎᑦᑎᔪᒪᓚᐅᖅᑐᑦ ᑲᑐᔾᔨᖃᑎᒌᖑᓪᓗᑕ, ᓲᖓᓴᖅᑎᑦᑎᓂᖃᓂᐊᑦᑐᒍᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᒻᒥ ᐸᕝᕕᓴᐃᓂᕐᒥᑦ ᓇᒥᑐᐃᓐᓇᖅ, ᖃᓄᑐᐃᓐᓇᓕᒫᖅ.”

“ᐅᐃᓕᐊᒻ ᒪᒃᑖᓄᑦᒥ, ᐅᑕᖅᑭᕙᖏᑦᑐᒍᑦ ᐊᓯᔾᔨᖅᑐᓂᑦ; ᓴᖅᑭᖅᑎᖔᖅᐸᑦᑕᕗᑦ ᐊᓯᔾᔨᖅᑐᑦ. ᐅᕙᖓ ᐊᒻᒪ ᐃᕝᕕᑦ ᐱᓕᕆᔪᑦ ᐃᓕᓐᓂᐊᖅᑎᐅᔪᑦ ᐃᖅᑲᓇᐃᔭᖃᑦᑕᖅᑐᑦ ᐊᕐᕌᒍᓕᒫᒥᑦ ᐅᔾᔨᕈᓱᑦᑎᑦᑎᒋᐊᖅᑐᑎ ᐊᒻᒪ ᐃᑲᔪᖅᑐᐃᓪᓗᑎ ᓲᖑᓴᖅᑕᐅᓯᒪᔪᓂᑦ,” ᐅᖃᖅᑐᖅ ᒥᐊᓚᓂ ᐳᕆᓯᓚ, ᐃᓕᓴᐃᔨ ᐊᒻᒪ ᐅᕙᖓ ᐊᒻᒪ ᐃᕝᕕᑦ ᐱᓕᕆᔪᓂᑦ ᐅᖃᖅᑎᖓᑦ ᐃᑰᓪ ᐅᐃᓕᐊᒻ ᒪᒃᑖᓄᑦ ᐃᓕᓐᓂᐊᕕᒻᒥᑦ. “ᐅᑉᐱᕈᓱᑦᑐᒍᑦ ᖃᖓᑐᐃᓐᓇᖅ ᓯᓚᕐᔪᐊᒥᑦ ᓲᖑᓴᖅᑕᐅᔪᖃᖏᑦᑐᓂᑦ, ᑭᓯᐊᓂᓕ ᑕᐃᒪᐃᓚᐅᖅᑎᓐᓇᒍ, ᐅᔾᔨᕈᓱᑦᑎᑦᑎᒋᐊᕆᖃᖃᑦᑕᖅᑐᒍᑦ ᓂᕆᐅᒋᓗᒍ ᓯᕗᓂᔅᓴᒥ ᑭᖑᕚᕗᑦ ᐃᓕᓐᓂᐊᕆᐊᕈᓐᓇᕐᓗᑎ ᖃᐅᔨᒪᓚᐅᖅᓯᒪᖏᓪᓗᑎ ᖃᓄᐃᑦᓲᑑᒻᒪᖔᖅ ᓱᖑᓴᖅᑕᐅᓗᓂ.”

ᐊᐅᐸᔮᖅᑐᖅ ᐅᕕᓂᕈᕐᒥᑦ ᐅᓪᓗᖓ, ᐱᒋᐊᓚᐅᖅᓯᒪᔪᖅ 2007−ᒥᑦ ᒪᕐᕉᓐᓄᒃ ᐃᓕᓐᓂᐊᑏᓐᓄᒃ ᓅᕙ ᓯᑰᓴᒥ ᖃᓄᐃᓕᓯᒋᐊᕐᓂᖃᖅᑐᑎ ᓲᖑᓴᓂᕐᒥᑦ ᐃᓕᓐᓂᐊᖅᑎᓄᑦ ᐸᕝᕕᓴᑦᑕᐅᓚᐅᖅᑐᑦ ᐊᑐᕐᓂᖏᓐᓄᑦ ᐊᐅᐸᔮᖅᑐᓂᑦ ᐅᕕᓂᕈᕐᓂᑦ, ᓯᓚᕐᔪᐊᓕᒫᒧᑦ ᐊᑐᖅᑕᐅᓕᖅᑐᖅ ᐱᓕᕆᐊᖑᓪᓗᓂ. ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᕕᒻᒥ ᓲᖑᓴᖅᑕᐅᓂᕐᒧᑦ ᐊᒻᒪ ᐸᕕᓴᑦᑕᐅᓂᕐᒧᑦ, ᐊᒻᒪᓗ ᑲᒪᒋᔭᕆᐊᖃᖅᑕᑎᑦ ᐃᖅᑲᓇᐃᔭᖅᑎᐅᓪᓗᑎ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᑦᑎᔨᐅᓪᓗᑎᑦ, ᖃᐅᔨᒋᐊᕐᕕᒋᒍᑦ ᐊᑦᑕᓇᐃᖅᓯᒪᓂᕐᒧᑦ ᑐᓴᕋᔅᓴᐃᑦ ᓲᖑᓴᖅᑕᐅᓂᕐᒧᑦ ᐃᖅᑲᓇᐃᔭᕐᕕᒻᒥ, ᐊᑐᐃᓐᓇᐅᔪᑦ ᐅᕙᓂ ᖃᓪᓗᓈᑎᑐᑦ, ᐅᐃᕖᑎᑐᑦ, ᐃᓄᑦᑎᑐᑦ, ᐊᒻᒪ ᐃᓄᐃᓐᓇᖅᑐᑦ.

-30-

ᔮᑭᓖᓐ ᒨ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᕐᒧᑦ
ᐅᖄᓚᐅᑦ: (867) 920-3829
ᐊᑭᖃᙱᑦᑐᖅ: 1 (800) 661-0792