ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑎᑦ ᑐᓴᖅᑎᑎᔪᑦ ᓄᑖᒥᒃ ᐃᖅᑲᓇᐃᔭᖅᑎᑖᖅᑐᑦ ᐃᖅᑲᓇᐃᔭᖅᑎᓄᑦ ᐅᖃᐅᔨᒋᐊᖅᑎᒥᒃ

ᔮᓄᐊᕆ 03 / 2017

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑎᑦ ᑐᓴᖅᑎᑎᔪᑦ ᓄᑖᒥᒃ ᐃᖅᑲᓇᐃᔭᖅᑎᑖᖅᑐᑦ ᐃᖅᑲᓇᐃᔭᖅᑎᓄᑦ ᐅᖃᐅᔨᒋᐊᖅᑎᒥᒃ

ᔭᓗᓇᐃ, ᓄᓇᑦᓯᐊᖅ (ᔭᓄᐊᕆ 3, 2017) − ᐅᓪᓗᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑎᑦ (WSCC) ᑐᖓᓱᑦᑎᑦᑎᕗᑦ ᐱᔭᑦᓴᖅᑖᖅᑎᑕᐅᓵᖅᑐᒥᒃ ᐹᑐᕆᒃ ᔅᑳᑦ ᔭᓗᓇᐃ, ᓄᓇᑦᓯᐊᕐᒥᐅᑕᖅ, ᓄᑖᒥᒃ ᐃᖅᑲᓇᐃᔭᖅᑎᑖᖅᑐᑦ ᐃᖅᑲᓇᐃᔭᖅᑎᓄᑦ ᐅᖃᐅᔨᒋᐊᖅᑎᒥᒃ ᓄᓇᑦᓯᐊᕐᒥᐅᓄᑦ ᓄᓇᕗᒻᒥᐅᓄᓪᓗ.

ᐱᔭᑦᓴᖅᑖᖅᑎᑕᐅᔪᖅ ᓄᓇᑦᓯᐊᕐᒥ ᙵᓂᒡᓚ ᐱᓕᕆᐊᓕᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑎᓄᑦ, ᓂᕈᐊᖅᑕᐅᓯᒪᔪᖅ ᒋᓕᓐ ᐋᐳᓇᑎᒧᑦ, ᒥᔅᑕ ᔅᑳᑦ ᐱᒋᐊᕐᓂᐊᖅᑐᖅ ᐊᕐᕌᒍᓄᑦ ᐱᖓᓱᓄᑦ ᐃᑲᔪᖅᓱᐃᓂᐊᖅᑐᖅ ᐃᖅᑲᓇᐃᔭᖅᑎᓄᑦ ᐋᓂᖅᓯᒪᔪᓄᑦ.

ᑖᓇ ᐃᖅᑲᓇᐃᔭᖅᑎᓄᑦ ᐅᖃᐅᔨᒋᐊᖅᑎ ᐃᒻᒥᒃᑯᑦ ᐱᓕᕆᓂᐊᖅᑐᖅ ᐊᒻᒪᓗ ᑭᒡᒐᖅᑐᐃᓂᐊᖅᑐᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑎᓄᑦ, ᐃᑲᔪᖃᑦᑕᕐᓗᓂ ᐃᖅᑲᓇᐃᔭᖅᑎᓂᑦ ᐋᓂᖅᓯᒪᔪᓂᒃ ᐊᒻᒪᓗ ᐊᐃᐸᖏᓐᓄᑦ ᐱᓯᒪᔭᖏᓐᓄᓪᓗ ᐃᑲᔪᕈᓐᓇᕐᓂᓕᒫᒥᓂᒃ ᐃᑲᔪᖃᑦᑕᕐᓂᐊᖅᑐᖅ ᐃᑲᔫᑎᓂᒃ ᐱᓇᓱᐊᖅᑎᓪᓗᒋᑦ, ᐃᒫᒃ:

  • ᑐᑭᓯᒋᐊᕈᑎᑦᓴᓕᒫᓂᑦ ᓄᐊᑦᑎᕙᓪᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑎᑯᓐᓂᑦ;
  • ᐅᖃᖃᑎᖃᖅᐸᓪᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑎᑯᓐᓂᑦ ᐊᑭᓕᖅᑕᐅᔾᔪᑎᒋᔭᕆᐊᖃᖅᑕᖏᓐᓄᑦ ᐊᒻᒪᓗ ᖃᓄᖅᑑᕈᑎᖃᖃᑦᑕᕐᓗᓂ ᐊᖏᖃᑎᒌᒍᓐᓇᐃᓕᔭᕌᖓᑕ;
  • ᓇᓗᓇᐃᔭᐃᕙᓪᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑎᒃᑯᓐᓄᑦ ᐊᑐᖅᑕᐅᕙᑦᑐᓂᑦ ᐊᒻᒪᓗ ᐃᓱᒪᓕᐅᕈᑕᐅᕙᑦᑐᓂᑦ;
  • ᐃᑲᔪᖅᐸᓪᓗᓂ ᐃᓱᒪᓕᐅᕈᑎᓂᒃ ᑐᓴᐅᒪᔾᔪᑎᒃᓴᒃᑲᓐᓂᕐᓂᑦ ᐱᑕᖃᕆᐊᖃᑉᒪᖔᑦ ᐃᑲᔫᑎᒋᓂᐊᖅᑐᒥᒃ ᖃᓄᐃᓂᐅᔪᒧᑦ;
  • ᕿᒥᕐᕈᕙᓪᓗᓂ ᑎᑎᖃᓂᑦ ᑐᖅᑯᓯᒪᔪᓂᑦ ᐃᑲᔫᑎᒋᔪᓐᓇᕋᔭᖅᑐᒥᒃ ᖃᓄᐃᓕᐅᕐᓂᐅᔪᒧᑦ;
  • ᐃᑲᔪᖅᐸᓪᓗᓂ ᐱᕙᒌᔭᖅᑎᓪᓗᒋᑦ ᐊᒻᒪᓗ ᖃᓄᐃᓂᕆᓂᐊᖅᑕᖏᓐᓄᑦ ᐸᕐᓇᑉᐸᒌᓯᒪᕙᓪᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑎᒃᑯᓐᓄᑦ ᐃᓱᒪᓕᐅᕈᑕᐅᓂᐊᖅᑐᓕᒫᑦ ᐊᑐᕐᓗᒋᑦ; ᐊᒻᒪᓗ
  • ᐃᑲᔪᖅᐸᓪᓗᓂ ᕿᓂᕐᓗᓂ ᓄᓇᓕᓐᓂᑦ ᐱᔨᑦᑎᕋᕐᕕᐅᔪᓐᓇᖅᑐᓂᒃ ᐃᑲᔫᑎᖃᕈᓐᓇᖅᑐᓂᒃ.

“ᐱᒋᐊᖅᐸᓪᓕᐊᓗᓂ ᐊᑭᓕᖅᑕᐅᑎᑦᑎᓇᓱᐊᕐᓗᓂ ᐃᓕᕋᓇᕈᓐᓇᕐᒪᑦ,” ᐅᖃᓚᐅᖅᑐᖅ ᑕᐃ1ᕝ ᒍᕋᓐᑎ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑎᒃᑯᓐᓄᑦ ᐊᖏᔪᖃᖅ ᐊᐅᓚᑦᑎᔨᓪᓗᐊᑕᕆᔭᐅᓪᓗᓂᓗ. “ᐃᖅᑲᓇᐃᔭᖅᑎᓄᑦ” ᐅᖃᐅᔨᒋᐊᖅᑎ ᐱᒻᒪᕆᐅᒪᑦ ᐃᓚᒋᔭᐅᖃᑕᐅᓗᓂ ᐊᑭᓕᖅᑕᐅᔭᕆᐊᓕᓐᓄᑦ ᐱᓕᕆᔨᐅᔪᓄᑦ, ᐊᒻᒪᓗ ᐹᑐᕆᒃ ᔅᑳᑦ ᐃᖃᔪᕐᓂᖃᓪᓚᕆᓐᓂᐊᖅᑐᖅ."

ᐃᖅᑲᓇᐃᔭᖅᑏᑦ ᐋᓐᓂᖅᓯᒪᔪᑦ ᑐᑭᓯᒋᐊᑲᓐᓂᕈᓐᓇᖅᑐᑦ ᐃᖅᑲᓇᐃᔭᖅᑎᓄᑦ ᐅᖃᐅᔨᒋᐊᖅᑎᒧᑦ ᐅᕗᖓ workersadvisor.ca.

-30-

ᑕᐃ2ᕝ ᒍᕋᓐᑎ
ᐊᖏᔪᖃᖅ ᐊᐅᓚᑦᑎᔨᓪᓗᐊᑕᕆᔭᐅᓪᓗᓂᓗ
ᐅᖄᓚᐅᑖ: (867) 669-4442
ᐊᑭᖃᖏᑦᑐᖅ: (800) 661-0792