ᑭᓇ ᐃᓱᒪᓕᐅᕆᖃᑦᑕᖅᐸ ᖃᖓ ᐋᓐᓂᖅᓯᒪᔪᖅ ᓴᓇᔨ ᓴᓇᕝᕕᖕᒥᓄᑦ ᐅᑎᕋᔭᕐᒪᖔᑦ?

ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᑐᓂᔭᐅᖃᑦᑕᕐᒪᑕ ᐋᓐᓂᐊᕐᕕᖕᒥ ᐅᓂᑉᑳᓕᐊᓂᒃ ᐃᓗᓕᖃᖅᑐᑦ ᐱᓕᕆᐊᖑᔪᓐᓇᖅᑐᓂᒃ ᐊᒻᒪᓗ ᖃᓄᖅ ᐋᓐᓂᐊᖃᕐᓂᖓᓄᑦ ᑐᑭᓯᒋᐊᕈᑎᒃᓴᓂᒃ ᐋᓐᓂᐊᖅᑐᓕᕆᔨᓂᒃ. ᓴᓇᑎᑦᑎᔨᒃᑯᑦ ᑐᑭᓯᒋᐊᕈᑎᒃᓴᓂᒃ ᑐᓂᔭᐅᓲᑦ ᐋᓐᓂᖅᓯᒪᔫᑉ ᒥᒃᓵᓄᑦ ᖃᓄᖅ ᐱᓕᕆᔪᓐᓇᕐᓂᖓᓄᑦ ᓇᓗᓇᐃᔭᐃᔪᓐᓇᖁᑉᓗᒋᑦ ᐱᓕᕆᐊᕆᔪᓐᓇᖅᑕᖏᓐᓂᒃ. ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᕿᒥᕐᕈᓂᖃᓲᑦ ᑕᒪᒃᑯᓂᙵ ᑐᑭᓯᒋᐊᕈᑎᒃᓴᓂᒃ ᓇᓗᓇᐃᔭᐃᓂᕐᒧᑦ ᖃᖓ ᓴᓇᔨ ᐊᑦᑕᓇᖅᑐᒃᑰᙱᓪᓗᓂ ᓴᓇᕝᕕᖕᒥᓄᑦ ᐅᑎᕈᓐᓇᕋᔭᕐᒪᖔᑦ.