Tuhaqtitaurarhaq: Havaktinut Aanniqtailinirmun Nalliutivikhaqaqviatlu Havakviat Ihuinaaqnahugiviyauyunut Uuktuqtut malikhugu Nunattiap Aanniqtailinikkut Maligaata

July 18 / 2017

Tuhaqtitaurarhaq: Havaktinut Aanniqtailinirmun Nalliutivikhaqaqviatlu Havakviat Ihuinaaqnahugiviyauyunut Uuktuqtut malikhugu Nunattiap Aanniqtailinikkut Maligaata

Yalunaimi, NT (Taaqhivaliavia 18, 2017) – Taaqhivaliavia 14, 2017 mi, Havaktinut Aanniqtailinirmun Nalliutivikhaqaqviatlu Havakviat uuktuqtut hitamanik ihuinaaqnahugiviyauyunik Nunattiap Kuatiliqiviani Yalunami, malikhugu Nunattiap Aanniqtailinirmun Maligaata.

Atauhiinnaunggittut ihuinaangnahugiyauyut malingginnamikkiq Aanniqtailinirmun Maligaata, tahapkuangnguyut:

  • malingginnamikkik aanniqtailidjutikhanik, havangginnamikkiklu naammagiyauyunik maligainniklu maliktaungginnamik tamaita havaktut havakvingmi aanniqtailiyaangginnik;
  • malingginnamikkik qiniktaungginmatta tamaita havaktut atugiakhainnik iukkaqtailiviqariakhainnik nuqhutinik iukkaqvikhaqaqqat piqaqtukhaungmatta qulvahiktumi havakkumik 3 miitasnik atpaqianutluunniit;
  • malingginnamikkik piqagiakhainnik upalunggaiyaidjutikhamik iukkaqtailinikkut pivikhainnut havaktinut; imaalu
  • malingginnamikkik piqagiakhainnik ilihaqpagiakhainnik iukkaqtailinikkut aturnialu anniqnaittumik iukkaqtailidjutikhat apikhuqtinnatik havaktittinnatiklu havaktikhamik havakvingmi.

Ihuinaaqnahugiyauyuq Paul Curren, havakviuyuq.

WSCC kut puiguqtailiyakhait havakviuyut aanniaqtailiyakhait aanniqtailiyakhaitlu tamaita havaktut havakvianni, piqaqtittiyukhatlu, aanniqtailidjutikhanik aannuraanik, iukkaqtailivikhaqaqtipkaqlugit nuqhutinik havakkumik 3 miitasnik atpatqianikluunniit.

Hivulliqpaaq kuatiliqivikhaat haffuuma mikhaatigut ihuaqhaqhimayuq kuatiqlutik Niqiliqivik 29, 2017 mi Yalunaimi, Nunattiaqmi.

-30-

Kim Walker
Atan’nguyaq, Tuhaqtipkainikkut
Hivayautaa: (867) 920-3846
Akiittumik hivayaktaaqtaat uumani: (800) 661-0792